ტერიტორიის თავისებურებიდან გამომდინარე შენობის არსებული ნიშნულიდან ნაწილობრივ ხდება ქალაქზე პანორამული ხედების აღქმა, რამაც გადაგვაწყვეტინა პირველი სართულის მაქსიმალურად გახსნა, რათა შეგვენარჩუნებინა მწვანე სივრცის და ველური ბუნების შეგრძნება. რელიეფიდან გამომდინარე ტერიტორია დაიყო 3 დონედ და ამის მიხედვით პირველი და მეორე სართული რელიეფშია შერწყმული. -1 დონე დაეთმობა სავარჯიშო ფიტნეს სივრცესა და 16 ავტომობილზე გათვლილ პარკინგს , მეორე დონე სარესტორნო და გასართობ სივრცეებს, ხოლო მესამე დონე საცხოვრებელ ზონას.