სახლი მცხეთაში

არქიდეა წარმოგიდგენთ ქალაქ მცხეთაში მდებარე ერთბინიან საცხოვრებელ სახლს. შენობა შედგება ორი მიწისზედა სართულისგან. არქიტექტურული მოცულობა მარტივი, სწორკუთხა გეომეტრიით ხასიათდება. ფასადი წარმოადგენს მონოლითური რკინა-ბეტონის კედლების, აგურით მოპირკეთებული კედლებისა და ალუმინის ვიტრაჟების ერთობლიობას. რელიეფის მახასიათებლის შენარჩუნების მიზნით შენობის განლაგება ტერასების პრინციპით მოხდა, რის შედეგადაც საცხოვრებელი სახლისთვის გაჩნდა განსხვავებული ფუნქციური სათავსები.